12/4/17

DÍA DO LIBRO

Co motivo do día do libro, unha mostra da creatividade e bo facer do noso alumnado de   1º ESO que se pode admirar no corredor do pavillón D


ANIMÁDEVOS!!






31/3/17

"Videopoesía para gravar sen cámaras"

 

 

 

A biblioteca en colaboración cos departamentos de Lingua Galega e Lingua Castelá organizou coa polifacética Antía Otero un obradoiro co alumnado de 4º da ESO no día 28 de marzo.

Os rapaces partían duns versos para levar a cabo esta experiencia, que segundo eles mesmos dixeron lles amosou unha nova persepectiva do traballo da literatura en clase. 

Desde os versos elaboraron os seus poemas por parellas, xogando principalmente coas emocións e as sensacións a través das palabras, e, nunha segunda parte, traballaron o obxectivo de transformar en linguaxe audiovisual o feito anteriormente.

Aquí deixamos máis imaxes tomadas ese día.



10/3/17

Obradoiro de manga na nosa biblio



O luns 6 de marzo Nahir ofreceunos un entretido obradoiro de manga onde explicou un pouco a historia deste estilo de debuxo, tan presente hoxe en día na cultura popular.
Os participantes, coas súas indicacións, terminaron elaborando o seu autorretrato empregando as normas do manga.
Desde aquí queremos agradecer a Nahir a súa implicación neste obradoiro. Parabéns para ela e os demais participantes.




Novidades en galego

Este inverno tivemos a ocasión de gozar de novos títulos en galego. Na imaxe podedes botarlle unha ollada á nosa selección, e, mellor que mellor, pasar pola biblio e collelos para ler.


25/11/16

Novidades en castelá

Xa chegaron novidades á nosa biblio!
En concreto de literatura castelá e clásica.
Aquí podedes botarlles unha ollada, se vos interesa algo xa sabedes onde ir a buscalo.
BOA LECTURA!!!


 

9/6/16





As letras da Homenaxe a Indalecio...

Hai cinco anos que nos deixaba Indalecio, foi xustamente o 31 de maio e por iso se celebrou nesa data a Gala de Homenaxe na súa honra. En Xerfas puxéronse mans á obra para botar unha man. Por unha banda no teatro que tanto lles gusta, varios membros do Club asistiron a uns obradoiros de Laura Villaverde e prepararon "Crónicas dun Café", que foi todo un éxito. Por outra banda, outro grupiño do club preparou a performance "Rosalía Universal" co recitado do Adiós Rios nunhas cantas linguas... Tamén leron a Manuel María e a Lorca, grazas a Alba e a Samuel Diz, tamén cantamos o himno ao final. Foi unha actividade moi intensa, emotiva pero festiva ao mesmo tempo. O mellor coñecer a arte dos nosos compañeiros, por exemplo de Dani Méndez que cantou Beautiful ou de Ángel, María Ordóñez e Iria que nos impresionaron a todos bailando ballet, e que dicir de Daniela, Alexandre e Dani que tocaron varias pezas con gaita, tamboril e acordeón! Non nos podemos esquecer das Ferreñas do Indalecio que tan ben o fixeron e de Dani e Andrea que bailaron unha muiñeira!
Agradecer intensamente o traballo de coordenación e preparación levado a cabo polo profesor Manuel Rosende Torres.

Foi unha velada inesquencible, NORABOA a todos polo ben que o fixestes!!!


30/5/16

VII Tui Le 2016

O mércores 18 de maio celebramos na Praza de San Fernando o VII Tui LE 2016. Aquí tedes algunhas das imaxes do acto. E un enlace ás fotos dos carteis:  http://www.slideshare.net/tudense/as-caras-de-manuel-mara










Homenaxe a Indalecio Pérez Tizón

O martes 31 de maio vaise celebrar a homenaxe a Indalecio Pérez Tizón na Área Panorámica de Tui.


26/5/16

O xurado formado por:
Miriam Burgos (profesora)
Conchi Lado (profesora)
Jorge Suárez (profesor)
Raquel Bravo (2º BAC-A)
Aicha El Jabraoui (2º BAC-A)
Estela Loureiro (1º BAC-B)
Acordou conceder os seguintes premios do V concurso de Microrrelatos do IES Indalecio Pérez Tizón:
CATEGORÍA A
1º PREMIO: María Ordóñez Gómez de 3º ESO-B
Ía moito frío, todo estaba conxelado. Desde o cristal podíanse ver os peixes xeados. Tamén estaba toda a horta, había brócoli, fabas. xudías...todas conxeladas-Entraremos noutra Era Glacial- pensei. O frío empezábase a apoderar dunha das miñas mans.
-Como non saques a man do conxelador, a dependenta botaranos da sección de conxelados- dixo a miña nai.
2º PREMIO: Eva Ordóñez Gómez de 2º ESO-A
Aquilo era como un campo dos da miña videoconsola. Unha herba negra e gris, case palla. E no medio un buraco, sen plantas nin herballos. Coma se estalase alí unha bomba suicida pero como un virus, que se ía estendendo e cada día crecía máis e máis polos arredores. O chan estaba branco e vermello.
-Deixa de mirarlle a calva ao teu pai.


CATEGORÍA B
1º PREMIO: Wardia Soukkani Bahri de 2º BAC-B
Noite, a salvo. Xa terminou o teu obxectivo de sobrevivir unha vez máis.

Entre as sabas cálidas e a escuridade do cuarto evádeste da realidade e mergúllaste na soidade aínda máis profundamente. Alí, onde nada salvo as sombras da túa mente te observen e xulguen.
Onde podes xogar co xa podrido mundo canto e como te veña en gana. Cóbreste para protexerte do filo cortante da realidade. O frío e o cansanzo de escoitar os rumores que ti mesma difundes no teu interior desordénante coma quen desordena un crebacabezas.
Detés o tempo, os teus pensamentos, detés o son e o silencio, detelo todo, e sen darte conta volves estar no punto de partida, outra vez.

Día, a sobrevivir.
2º PREMIO: Andrés Canosa Troncoso de 2º BAC-A

Conta unha lenda olvidada que unha vez existiron dous seres destinados a unirse. O primeiro ser era unha muller delicada, fermosa e de melena prateada. O segundo, un home moreno, corpulento e chamativo. Permaneceron xuntos un tempo e tiveron unha filla, pero a atracción transformouse en repulsión sen saber o motivo. Agora a nena depende do pai, obrigada a permanecer xunto a el, pero o que el non sabe é que de vez en cando a nena escapa para ir a xunto da súa nai e así poder xogar cos seus cabelos prateados agochadas na escuridade, lugar ao que seu pai non pode chegar. Finalmente, sen que o seu pai o soubera, a nena foi bautizada como Terra.

Noraboa aos gañadores e gañadoras! Agardámosvos a todos e todas na edición do vindeiro ano.

LinkWithin

Related Posts Plugin for WordPress, Blogger...